Klan Kosova ka raportuar pas sulmit të bërë ndaj ekipës së Gazeta Papirus
”Redaksia e Gazeta Papirus, e ka njoftuar Asociacionin e Gazetarëve të Kosovës, se tre persona të maskuar ia kanë rrëzuar kamerën ekipit të mediumit të tyre, përderisa ishin duke filmuar automjetet e KFOR-it.
Në videon dërguar AGK-së, dëgjohet njëri prej personave të maskuar duke i thënë ekipit që mos të xhirojnë.
Këto pamje janë tejet shqetësuese për AGK-në, andaj sërish ajo u bën thirrje organeve të rendit, prezencës ndërkombëtare në Kosovë, që t’i sigurojnë gazetarët që të raportojnë nga këto komuna pa u penguar.
“Ju kërkojmë të gjithë kolegëve që të kenë kujdes të shtuar gjatë raportimit dhe në asnjë formë të mos rrezikojnë sigurinë e tyre fizike për hir të raportimit”, thuhet në deklaratën e tyre”., raporton Klan Kosova.
https://klankosova.tv/tre-persona-te-maskuar-pengojne-ekipin-e-papirusit-per-te-xhiruar-ne-zvecan-video/
