Nesër në Hagë do të mbahet procesi gjyqësor ndaj ish krerëve të UÇK-së.
Para fillimit të këtij procesi, këngëtari kosovar Meda përmes një video në llogarinë e tij në Instagram ka kërkuar nga të gjithë shqiptarët e diasporës kudo që janë që të shkojnë në Hagë duke filluar nga ora 10:00, shkruan Indeksonline.
Përmes kësaj video ai kërkoi që t’i tregojmë botës që ata nuk janë vet.
“Të nderuar shqiptar kudo që jeni ky është një mesazh ndryshe nga unë. Ju e dini se liderët e UCK-së njerëzit simbol të lirisë dhe pavarësisë sonë po mbahen në një qendër paraburgimi në Hagë. Ne jemi për drejtësi por ajo që po ndodh kundër udhëheqësve tanë është e padrejtë. Andaj unë ju ftoj të gjithëve që të hënën me 3 prill nga ora 10:00 të takohemi në Hagë, në marsh për drejtësi. Në ditën kur nis procesi ndaj ish krerëve të UÇK-së. E kemi për obligim ti tregojmë botës që ata nuk janë vet, kemi për obligim ti tregojmë botës që liria ka emër”.
