Më 2 dhe 3 qershor të këtij viti në Prishtinë do të mbahet edicioni i tretë i Forumit Ndërkombëtarë për Gratë, Paqen dhe Sigurinë.
Presidentja e vendit, Vjosa Osmani, tha se ky forum bëhet edhe këtë vit vendtakim i zërave nga e mbarë bota.
“Edicioni i tretë i Forumit Ndërkombëtar për Gratë, Paqen dhe Sigurinë përfaqëson vazhdimësinë e një angazhimi të përbashkët për paqe, siguri dhe drejtësi, të shtyrë përpara nga kampionë të guximshëm”, shkroi Osmani, transmeton Klankosova.tv.
Vitin e kaluar, Forumi për Gratë, Paqen dhe Sigurinë u mbajt në Prishtinë më 15 dhe 16 prill.
