Duke filluar nga ora 11:00, sot pritet të mbahet mbledhja e dytë e Komisionit hetimor lidhur me krizën energjetike në Kosovë.
Ky komision është propozuar nga partitë opozitare, dhe do të diskutohet për krizën energjetike që ka kapluar Kosovën muajve të fundit.
Në mbledhjen e sotme pritet të diskutohet edhe për emrat e ekspertëve të cilët do të ftohen nga anëtarët e komisionit për raportim.
Komisioni hetimor parlamentar për menaxhimin e krizës energjetike përbëhet nga: Driton Selmanaj – kryesues, Artan Abrashi, Enver Haliti, Jeta Statovci, Mimoza Kusari Lila, Ferat Shala, Eliza Hoxha, Besian Mustafa, Pal Lekaj, Adem Hoxha dhe Fridon Lala.
Ky komision do të ketë afat kohor deri në fund të vitit.
