Analisti politik Halil Matoshi ka kritikuar ashpër kryeministrin Albin Kurti, duke e quajtur qeverisjen e tij një “idiokraci”
Matoshi e akuzon Kurtin se ka shkelur ligjin, pasi ai nuk po respekton detyrimin ligjor për të dhënë dorëheqje nga pozita e kryeministrit.
Në një postim në rrjetet sociale, Matoshi ka thënë se një kryeministër që është mbi ligjin e shndërron qeverisjen në një “idiokraci”, që duket si populizëm i maskuar.
Sipas tij, një shtet ku zyrtarët e lartë janë mbi ligjin është një “shtet i dështuar” ose “fail state”.
Matoshi ka shtuar se shkelja e ligjshmërisë nga vet kryeministri mund të dëmtojë thellë shtetin dhe e ka paralajmëruar se ky veprim mund të çojë në shpërbërjen e institucioneve.
Kryeministri në detyrë, Albin Kurti, tha se qeveria e tij ka përfunduar mandatin më 23 mars “pa pasur nevojë për aktin shtesë dhe formal të dorëheqjes prej posteve të tyre përkatëse”.
