Analisti politik, Halil Matoshi, ka reaguar me një shkrim të ndjerë pas vdekjes së babait të ish-Presidentit Hashim Thaçi, Haxhi Thaçi, raporton GazetaBlic.
Ai kujton një thënie të Herodotit: “Në paqe djemtë varrosin baballarët; në luftë, baballarët varrosin djemtë,” duke theksuar që, në lirinë e Kosovës, të birit të Haxhisë nuk iu njoh e drejta natyrore dhe juridike për të varrosur babanë e tij sipas traditave vendore.
Matoshi kritikoi Gjykatën Speciale për cenimin e të drejtave të njeriut në këtë rast, duke shtuar se kjo nuk i jep arsye njerëzve për të rebeluar kundër drejtësisë.
Ai gjithashtu shprehu ngushtimin për Hashimin, i cili nuk mundi të ndihmonte babanë në momentet e fundit të jetës, duke e ngushëlluar atë dhe familjen për humbjen e kreut të shtëpisë.
Shkrimi i plotë pa ndërhyrje:
Gajret Hashim!
Mbi dymijë vjet më parë, Herodoti, shkruejti: “Në paqe djemtë varrosin baballarët; në luftë, baballarët varrosin djemtë.”
1.
Sot në lirinë e Kosovës, pra në paqe, t’birit të Haxhisë, ish Presidentit Hashim Thaçi nuk iu njoh e drejta natyrore e juridike (nga drejtësia oksidentale!?) me e vorrosë babën e tina, simas traditave t’moçme vendore, sa vet koha.
2.
Gjykata Speciale ka cenu të drejtat e njeriut në këtë rast, po kjo nuk u jep të drejtë as s’u bân nerë disa njerëzve zemërfyt, me u rebelue kundër drejtësisë, sepse kosovarët në sh’pi t’vet s’po dojnë me dâ drejtësi, e sh’pia pa drejtësi shèmbet!
3.
Megjthse Bacit Haxhi nuk i metën sytë çelë as për Kosovën (qe u bâ shtet), as për t’birin, (me të cilin u fal tre ditë pa dekë), ndjeva nji ngushtim për Hashimin që nuk e lejuen me i ra përftyre, e me ia majt mèn babës nurin e dekës.
I letë i koftë dheu i Atdheut!
Ngushëllime Hashimit dhe familjës për kreun e sh’pisë tyne!
