Analisti politik, Halil Matoshi, ka komentuar lajmin se pesë ministra dhe një zëvendësministre e Qeverisë Kurti janë nën hetim nga Task Forca e Policisë së Kosovës, nën dyshimin për korrupsion.
Ai në një prononcim për Gazeta Blic, thotë se ministrat normal në një qeveri normale, do të duhej ta pezullonin postin ose të dorëhiqeshin, derisa të përfundonin hetimet.
“Ministrat normal në një Qeveri normale, kur vihen nën hetime për vepra të ndryshme korruptive, apo keqpërdorimit të postit publik, më e pakta do të duhej të bënin duhej të pezullojnë postin deri në përfundimin e hetimeve ose të dorëhiqen, që të shmangin çdo mundësi ndikimi në hetime. Kështu do të etablohej etika e pushtetit”, vlerëson Matoshi.
Sipas tij, dorëheqje për arsye të tilla ka pasur në qeveritë e kaluara,. Por që te Qeveria Kurti nuk ekziston as minimumi i moralit publik dhe mendojnë se janë mbi ligjin.
“Tek të gjitha Qeveritë e kaluara ka pasur dorëheqje si akt moral (Fatmir Rexhepi); pezullim të postit (Bujar Bukoshi); shkarkim (Jablanoviq, Rikalo e Teodosijeviq) si dhe zëvendësim me reformatim të Qeverisë. Mirëpo, tek Qeveria Kurti nuk ekziston as minimumi i moralit publik, kështu që ministrat e Kurtit e mendojnë veten si revolucionarë dhe misionarë popullorë, që janë mbi ligjin”, deklaron Halil Matoshi.
