Analisti Halil Matoshi ka thënë se nuk ka pritur se do të ketë takim në mes të Kryeministrit, Albin Kurti dhe Sekretarit të Shtetit, Antony Blinken, gjatë Konferencës për Siguri në Mynih.
Matoshi ka thënë se pas këtij rasti, Kurti nuk dallon asgjë nga Kimi, Stalini, Lenini, as Enveri as Tito, pasi që sipas tij dojnë kontroll të plotë mbi çdo gjë.
“Unë kam menduar që Osmani do të jetë pragu i fundit i rezistencës antikomuniste, po s’po del që është. Do të thotë dhe këta kanë hy në rrugën një kahshe të izolimit si Enver Hoxha në vitet e dyzeta. Krahasimi politikë me politik është valid në teori. A është e majtë LVV-ja, me krahasu të majtën me një të majtë nuk është asgjë. Në esencë prej Leninit e knej s’dallojnë asgjë. As Kimi, Stalini, Lenini, as Enveri as Tito as Albini s’dallojnë kurgjo, sepse dojnë kontroll të plotë mbi çdo gjë, madje edhe kontroll të plotë mbi mendime.” – u shpreh ai.
Sipas Matoshit jo vetëm Kurti ka marrëdhënie jo t mira më ShBA-në, ai ka thënë se edhe Osmani e ka një X nga amerikanët.
Matoshi tutje ka thënë se Kosova është në një udhëkryq të rrezikshëm.
“Edhe zonja, Osmani e ka një X nga amerikanët, jo vetëm Kurti. Kjo do të thotë se Kosova është në një udhëkryq të rrezikshëm.” – ka përfunduar Matoshi në Kanal10.
