Ish-eprori i UÇK-së, Uk Lushi, ka vlerësuar se në Qeverinë Kurti II vetëm dy ministra kanë qenë në krye të detyrës.
Ai ka treguar se të dy ministrat kanë qenë të të njëjtit sektor.
Në profilin e tij në “Facebook”, Lushi ka shkruar se profesionist dhe patriot gjatë kësaj qeverie është treguar Ministri i Mbrojtjes, Ejup Maqedonci dhe paraardhësi i tij Armend Mehaj.
“Sipas vlerësimit tim, të bazuar në info dhe fakte, “Kurti 2” ka pasë dy ministra që kanë qenë në nivel. Të dy udhëheqës të së njejtës ministri: Armend Mehaj dhe Ejup Maqedonci. Profesionistë dhe patriotë të dy. Çuditërisht të dy janë sulmuar shpesh pse kanë treguar vendosmëri dhe gatishmëri për mbrojtjen e Kosovës me forca vetanake. Por kjo është detyrë kryesore e çdo ministri të mbrojtjes dhe betimet e tilla nuk përjashtojnë aspak bashkëpunimin dhe koordinimin (luftarak) me forca aleate. Nuk mund e mbron asnjë i huaj Kosovën para dhe pa e mbrojtur vendorët”, ka shkruar Lushi.
