Ministri i Bujqësisë, Faton Peci, ka njoftuar se sonte i është bashkangjitur inspektorëve sanitarë të Agjencisë së Ushqimit dhe Veterinës (AUV) që ta shohë nga afër mbarëvajtjen e inspektimeve në qytetin e Ferizajt.
Me anë të një postimi në Facbook, Peci shkroi se aksioni i sotëm është mbështetur edhe nga Policia e Kosovës.
Peci shtoi se respektimi i ligjit, e sidomos ai për Ligjin për Kontrollin e Duhanit, nuk ka as alternativë e as kthim pas.
“Sonte iu bashkangjita inspektorëve sanitarë të AUV-së, për të parë nga afër mbarëvajtjen e inspektimeve në qytetin e Ferizajt. Aksioni i sotëm u mbështet edhe nga Policia e Kosovës sepse respektimi i ligjit nuk ka as alternativë e as kthim pas”, shkroi ai.
“Në këtë frymë, do vazhdojmë të punojmë intenzivisht në ngritje të kapaciteteve inspektuese.#zerotolerance #stopduhanit”.
