Lista Serbe i ka reaguar deklaratës së ambasadorit amerikan në Kosovë, Jeffrey M. Hovenier, i cili tha se SHBA-të janë të shqetësuara për incidentin e ndodhur mbrëmjen e së hënës në Zveçan, përcjell Gazeta Papirus.
Në njoftimin e Listës Serbe thuhet se populli serb që jeton në Kosovë është i shqetësuar për faktin se ambasadori Hovenier është i shqetësuar.
Tutje, në njoftim thuhet se Hovenier po i jep rëndësi gjërva të pavlera dhe nuk po shqetësohet e nuk po kërkon nga autoritet që të hetojnë ‘tentim-vrasjen’, siç e cilësuan ata, të Milan Jovanoviqit.
Njoftimi i plotë nga Lista Serbe:
“NJOFTIM PËR LISTËN SERBE
Lista serbe dhe populli serb në Kosovë dhe Metohi janë thellësisht të shqetësuar se ambasadori amerikan në Prishtinë z. Hovenier është i shqetësuar. Në vend se të dënohet qartë tentim-vrasja e Milan Jovanoviqit mbrëmë në pikën e kontrollit ilegal të njësive parapolicore të Kurtit në urën e Bistricës, ai është i shqetësuar!?
Vetëm pasi Lista Serbe reagoi dhe vuri në dukje se Milan Jovanoviq ishte viktimë e një sulmi të armatosur nga forcat speciale të Kurtit të cilët ndodhen ilegalisht në veri të Kosovës dhe Metohisë, pasdite vonë i shqetësuar z. Hovenier foli dhe bëri këtë deklaratë të turpshme që minimizon përgjegjësinë e atyre që derdhën gjakun serb. me çka ambasadori është i shqetësuar shkaktoi shqetësimin e gjithë popullit serb, sidomos sepse po punon në normalizimin e situatës.
Çka është më shumë, ky nuk është rasti i parë në të cilin relativizohet sulmi ndaj serbëve, kurse përgjegjësia e kriminelëve minimizohet.
Sa për kujtesë, për shkak të një veture të djegur për të cilën nuk është përcaktuar përgjegjësia e askujt, reaguan të gjitha ambasadat e Quinta-s, misionet dhe organizatat ndërkombëtare, e disa ambasadorë madje e thirrën Listën Serbe, e kur një serb qëllohet për herë të tretë, civil, mbrëmë edhe baba i tre fëmijëve, nuk ka asnjë dënim nga ambasadori i Quinta-s dhe as kërkon të ndalen sulmet ndaj qytetarëve të pafajshëm serb.
Duke vepruar kështu, është e qartë për të gjithë qytetarët tanë se ambasadorët e Quinta po bëjnë gjithçka të kundërtën e asaj që është e nevojshme për normalizimin e marrëdhënieve me Kosovën dhe Metohinë.”/Gazeta Papirus/
