Gjykata Themelore në Prishtinë ka shpallur aktgjykim lirues ndaj tetë të akuzuarve për mashtrim me subvencione.
Aktgjykimi ndaj të akuzuarve u shpall të martën, nga gjykatësi Adnan Kamberi, raporton “Betimi për Drejtësi”.
Sipas aktgjykimit, të akuzuarit u liruan nga akuza sepse nuk është provuar se kanë kryer veprën penale për të cilën janë ngarkuar, ndërsa traktori i sekuestruar përkohësisht i kthehet të akuzuarit Berisha.
Gjykatësi Kamberi ka thënë se shpenzimet e procedurës bien në barrë të gjykatës, kurse kundër këtij aktgjykimi palët kanë të drejtë ankese në afat prej 15 ditësh pas pranimit të të njëjtit.
