Gazetari Lirim Mehmetaj ka publikuar disa fotografi të papërshtatshme dhe eksplicite të ish-kryeshefit të Korporatës Energjetike të Kosovës, Nagip Krasniqi përcjell Gazeta Papirus.
Në fotografitë e publikuara nga Mehmetaj, shihet Krasniqi duke biseduar me një vajzë e cila dyshohet të jetë e mitur, në rrjetin social Snapchat.
Përveç komunikimeve, Mehmetaj ka publikuar edhe dy fotografi të ish-kryeshefit të KEK-ut, njëra prej të cilave eksplicite.
“Nje dite e zakonshme pune ne zyrat e Vetevendosjes… Foto: Nagip Krasniqi i shqetesuar me rritjen e cmimit te energjise elektrike…”, thuhet me ironi në postimin e Mehmetajt në Facebook.
Nagip Krasniqi ishte cilësuar si “punëtor i devotshem dhe shembullor” nga Lëvizja Vetëvendosje.
Ndaj Krasniqit rëndon akuza për veprën penale keqpërdorimi i pozitës apo autoritetit zyrtar në vazhdimësi, nga neni 414 paragrafi 2 lidhur me nenin 77 të KPRK.
Ai dyshohet se i ka shkaktuar dëm mbi 37 milionë euro buxhetit të shtetit.
