Ministri i Mjedisit, Planifikimit Hapësinor dhe Infrastrukturës, Liburn Aliu, është takuar me Drejtorinë e Përgjithshme të Hekurudhave në Durrës, për të diksutuar mbi linjën hekurudhore Prishtinë-Durrës.
“Jemi tek drejtoria e përgjithshme e hekurudhave në Durrës për të diskutuar për hapat e mëtejmë të linjës hekurudhore që do t’i bashkojë ekonomitë tona dhe do t’i fuqizojë mundësitë për zhvillim ekonomik, si për Kosovën ashtu edhe për Shqipërinë” ka shkruar Aliu në Facebook.
Ai gjithashtu ka prezantuar një hartë se si do të dukej linja hekurudhore mes këtyre dy qyteteve.
Një muaj më parë, ministri Aliu kishte prezantuar projektin mbi ndërtimin e kësaj hekurudhe.
Për fazën e parë të këtij projekti, e që është studimi i fizibilitetit dhe projekti preliminar i dizajnit janë ndarë 1 milion euro nga buxheti i shtetit.
Marrëveshja për ndërtimin e hekurudhës Prishtinë-Durrës u nënshkrua nëntorin e kalur, në kuadër të mbledhjes së dytë mes Qeverisë së Kosovës dhe Shqipërisë.
