Kryetari i NISMA-s, Fatmir Limaj, ka falënderuar të gjithë qytetarët që kanë votuar për këtë parti në zgjedhjet e 9 shkurtit, duke bërë të ditur se NISMA do të ketë tre deputetë në legjislaturën e re të Kuvendit.
Ai ka thënë edhe se përmes punë dhe përkushtimit do t’i arrijnë synimet që ata kanë.
Postimi:
Të nderuar qytetarë të Kosovës,
NISMA Socialdemokrate, falë punës dhe angazhimit të gjithë strukturave, aktivistëve dhe qytetarëve që besuan në programin tonë, do të përfaqësohet me tre mandate në legjislaturën e re të Kuvendit të Kosovës.
Mirënjohje e falënderim i veçantë për 25,718 qytetarë që besuan në vizionin dhe angazhimin tonë për një Kosovë më të zhvilluar. Ky besim na obligon edhe më shumë që, me përkushtim, transparencë dhe përgjegjësi, të punojmë për të mirën e vendit tonë.
Së bashku, me punë dhe përkushtim, do të arrijmë synimet tona për një shoqëri më të drejtë dhe më të zhvilluar.
