Pak para përvjetorit të Revolucionit Islamik, lideri suprem iranian Ayatollah Ali Khamenei njoftoi se do të falte 80,000 njerëz. Kjo u raportua nga agjencia shtetërore e lajmeve IRNA, duke cituar shefin e drejtësisë Gholam-Hussein Mohseni-Ejehei.
Faljet u shpallën pak para përvjetorit të Revolucionit Islamik të vitit 1979. Mes të falurve thuhet se ka edhe shumë persona të arrestuar gjatë valës së fundit të protestave. Raportohet se nuk do të falet asnjë i burgosur që akuzohet për spiunazh.
Vrasja, dëmtimi ose zjarrvënia ndaj objekteve qeveritare ose ushtarake gjithashtu përjashtojnë faljen, shkruan Indeksonline.
Vala e fundit e protestave në vjeshtë e zhyti udhëheqjen e Iranit në krizën më të keqe në dekada. Shkaktari ishte vdekja e kurdes iraniane Jina Mahsa Amini në paraburgim nga policia.
22-vjeçarja u arrestua rreth gjashtë muaj më parë për shkelje të kodeve islame të veshjes.
Më shumë se 500 demonstrues u vranë gjatë protestave dhe rreth 20,000 u burgosën sipas vlerësimeve të aktivistëve të të drejtave të njeriut.
