Deputeti i AAK-së, Pal Lekaj thotë se është në dorën e Qeverisë që Kosova të shkojë në zgjedhje.
Lekaj në një prononcim për GazetaBlic thekson se, çdo iniciativë e opozitës do të dështojë, pasi nuk kanë numrat e nevojshëm.
“Është në dorën e Qeverisë Kurti që Kosova të shkojë në zgjedhje. Ky pushtet ka shumicën e votave, prandaj çdo iniciativë e jona si Opozitë ka dështuar dhe vazhdon të dështojë, sepse nuk kemi mundur të arrijmë numrat e nevojshëm”, tha Lekaj.
Lekaj është skeptik për shpërndarjen e Kuvendit, teksa teksa akuzon deputetët e VV’së se kinse janë të lumtur nga lluksi i pushtetit.
“Pra, nuk pritet shpërndarja e Kuvendit, sepse Qeveria Kurti dhe deputetët nga shumica janë të lumtur nga lluksi dhe benefitet materiale që po ju sjellë pushteti.Kosova ka nevojë për zgjedhje sepse duhet të ndalet keqëmenaxhimi i shtetit dhe keqpërdorimet në secilin institucion publik”, tha Lekaj.
Lekaj e ripërsërit se vendin duhet të shkojë në zgjedhje veç duke dhënë Kurti dorëheqje.
“Vendi duhet të shkojë në zgjedhje me dorëheqje të Qeverisë Kurti. Çdo mënyrë tjetët është e padrejtë dhe e panevojshme”, tha Lekaj
