Deputeti i pavarur i Kuvendit të Kosovës, Fatmir Humolli i cili është larguar nga grupi parlamentar i Vetëvendosje, ka komentuar idenë e kryetarit të AAK-së Ramush Haradianj për një mocion mosbesimi ndaj Qeverisë Kurti, pas zhvillimeve në veri.
I pyetur se si do të përgjigjej nëse do të kontaktohej nga Haradinaj, Humolli ka thënë se nuk do të votonte për rrëzimin e Kurtit për shkak të veriut, por do të votonte për rrëzimin e tij që nuk është përgatitur për veriun.
“Për problemin e veriut nuk mundem me votu Albin për me rrëzu. Albin Kurtin e votojë për me rrezu për shkak që nuk është përgatit për problemin e veriut. Albin Kurti ka dështuar për me kriju unitet kombëtar. Sot është përballë një bashkësie ndërkombëtare që është unike me Serbinë, kurse kombi jonë nuk është unik. Ka mosmarrëveshje me shtetin shqiptar për shkak të mos sqarimeve, sepse i beson më shumë një faktori të jashtëm”, ka thënë ai.
Mocioni i mosbesimit i propozuar nga Haradinaj nuk ka gjetur përkrahje as nga dy partitë opozitare PDK e LDK.
Pasi sipas tij, Amerika e njeh shumë mirë popullin e Kosovës, derisa shtoi që më befasuese ka qenë fitorja e Vetëvendosjes me 51 përqind.
“Amerika ka diplomaci e informacione të fuqishme. Unë jam shumë i bindur që politika amerikane nuk ka qenë e befasuar me veprimet e Qeverisë, sa i përket zhvillimeve në veri. Amerika e njeh shumë mirë Kosovën, i njeh të gjithë faktorët. Befasi ka qenë prej kur ka fituar Vetëvendosje 51 përqind dhe ka filluar me politikë të njëjtë sikurse partitë tjera politike, që nuk i kanë zgjedhur problemet e Kosovës për 20 vite. Vetëvendosje i ka përdorur mjetet e njëjta. Pas fitores së VV-së, Serbia është mobilizuar te faktorët ndërkombëtar”, deklaroi Humolli
Madje, Humolli deklaroi se Bashkësia Ndërkombëtare i ka dhënë më së shumti hapësirë faktorit serb në Kosovë.
“Bashkësia Ndërkombëtare nuk është korrekte në zgjedhjen e problemeve në Ballkan”, theksoi ai t
Ai ka thënë se Qeveria Kurti është mirë të dorëhiqet e jo të rrëzohet. /Teve1
