Raporti vjetor, i cili synon të tregojë se sa i këndshëm është një qytet, shqyrtoi 173 qytete në mbarë botën bazuar në 30 tregues të organizuar në pesë kategori stabilitet, kujdes shëndetësor, kulturë dhe mjedis, arsim dhe infrastrukturë.
Ndërsa Vjena kryeson në katër nga këto kategori, një rënie më e vogël u regjistrua në kategorinë e kulturës dhe mjedisit për shkak të mungesës së ngjarjeve të mëdha sportive, sipas EIU.
Kjo është hera e katërt në gjashtë vjetët e fundit dhe hera e tretë radhazi që kryeqyteti i Austrisë është në vendin e parë, sipas të dhënave nga Economist Intelligence Unit (EIU).
Sipas raportit, indeksi i komoditetit të jetesës së EIU-së u rrit paksa vitin e kaluar pavarësisht rënies së stabilitetit dhe infrastrukturës në disa qytete në ekonomitë e përparuara. E gjithë kjo u kompensua nga përmirësimet në shëndetësi dhe arsim në qytetet në zhvillim.
Përveç Vjenës, listën e qyteteve më të mira për të jetuar e kryesuan Kopenhaga në vendin e dytë dhe Cyrihu në vendin e tretë, pasuar nga Melburni i Australisë, Calgary në Kanada, Gjeneva në Zvicër, Sidnej në Australi,Vankuveri në Kanada, Osaka në Japoni dhe Auckland në Zelandën e Re.
