Historiani i njohur, Prof.dr. Hakif Bajrami, i ftuar në emisionin n’Demos, ka folur për Fadil Hoxhën dhe veprimtarinë e tij.
Bajrami bëri të ditur se Fadil Hoxha për pesë herë ka qenë nën hetime nga regjimi i Rankoviçit.
“Komisioni shtetëror për hulumtimin e deformimeve tregon saktë se sa kroatë, sllovenë, boshnjakë, serbë, malazezë, shqiptarë, hungarezë, kanë qenë nën hetime”, u shpreh ai.
Tutje, ekskluzivisht në emisionin n’Demos ai tregoi edhe emrin e personit i cili ishte porositur nga shërbimi serb që të vriste Hoxhën.
“Thuhet se në Vrnjacka Banja ka ardhë Beqir Maloku me qëllim për ta vrarë Fadil Hoxhën, kjo thuhet për herë të parë në një televizion”, potencoi ai në emisionin n’Demos.
Sipas tij, Maloku nga Gjakova, ishte i deleguari i porositur i UDB-as dhe ka ndejtur në “Vrnjacka Banja” nën regjinë e këtij shërbimi serb, duke pritur momentin e duhur për atentat, në periudhën e viteve 1964-1965.
Mes tjerash Bajrami tha se Beqir Maloku i cili ishte porositur që ta vriste Fadil Hoxhën, gjatë një periudhe ka qenë emigrant.
