Një ngjarje tragjike ndodhi dje në Prizren, shkruan Gazeta Papirus.
55-vjeçari Rexhep Vezaj ndërroi jetë dje pasi u godit nga rrufeja.
Vezaj ishte veteran i luftës së Ushtrisë Çlirimtare të Kosovës, kanë bërë të ditur familjarët.
“Rexhepi që në fillim të viteve të 90’ta ka qenë aktivist i organizatës së fshehtë “Komiteti Kombëtar Shqiptar për Bashkimin e Trojeve” përkatësisht pjesëtarë i njësitit zjarri 003. Ka qenë furnizues i njësive të UÇK’së dhe më vonë pjesëmarrës i drejtpërdrejtë në front si pjesëtarë brig 28/128s, ZOP. Rexhepi gjatë luftës për liri, për hir unitetit të shqiptarëve e pati falur edhe gjakun e babait”, shkruhet në një postim.
Varrimi i të ndjerit bëhet sot me namazin e Ikindisë. Teksa falja e xhenazes bëhet sot në xhaminë e Petrovës (lagja Theranda), Prizren. /Gazeta Papirus/
