Pamfleti i paqes !
Çmenduria politike nuk është sëmundje,është një roman Rus !
Prononcimet blasfemuese të krerëve të vLEN-it mund të llogariten si shembull më domethënës se sa thellë zemërimi partiak mund të poshtëroj një individ me nivel të lartë intelektual.Mirëpo,ai përfaqëson gjithashtu edhe një paralajmërim,se sa jopolitikisht vepron një politikan në rast se nuk u ve fre pasioneve të tij.
Etketimet : hajn,grabitës,kriminel,tradhtarë,i sëmur psiqikisht dhe sharje të tjera që as matrapazët apo vozaxhinjtë ordinerë-koçijashat s’do t’ia hidhnin njëri – tjetrit,janë shpifje për qëllime të ulëta çnderuese.
Një ligësi ekstreme s’mund ta intoksinoj me urrejtje kët njeri ; tolerant në thellësinë e tij,asnjë ligësi nuk e bën dot të ligë. Përballja e tij me ju ka qenë në mënyrë vëllazërore dhe jo harbutërisht,përmes sharjes e fyerjesh,që e kanë dëmtuar shumë interesin shqiptar.Mirëpo duke qenë se përmes juve dhe ” shokëve ” tuaj ëndrra e tij për raporte miqësore u bë e pamundur,tani besoj se nuk është e papajtueshme me detyrën e tij si lider partiak,sulmeve tuaja pasionante tu përgjigjet me maturi.
Mjerë ai popull që udhëhiqet nga ju nëse do të inspirohej nga qëndrime të tilla dhe nëse nxënësit tuaj do të tregohen njësoj si mësuesit e tyre.
Në zellin tuaj plot zjarr për ta eliminuar politikisht një kundërshtar politik dhe ideologjik,tentoni ta dhunoni të vërtetën.Të gjithë mund të gjykojnë për atë që ka bërë por vetëm nëse ky gjykim bëhet pa urrejtje.
Fakti se ende është gjallë,akoma është një makth i vërtetë për ju që po ju le pa gjumë,dhe sapo shihni që një pjesë e madhe e shqiptarëve nuk dorëzohet para presionit tuaj,ose së paku,akoma nuk dorëzohet,ju po provoni që ta bëni të urrejtur dhe ta turpëroni para botës.
Për shkakun se ai në pika të veçanta ndryshon nga doktrina juaj,e përndiqni në të gjithë vendin me urrejtje,dhe i nxisni të tjerët që të veprojnë me po at urrejtje kundër tij.
Kjo urrejtje për ” vdekje ” nuk buron prej jush por prej VMRO-s dhe Maqedonasëve : përmes jush flet drejtpërsëdrejti VMRO-ja.
Përse atëherë,gjersa i mësoni të tjerët,nuk e mësoni dhe vetveten.Përse ju që predikoni nga foltorja se nuk duhet shpifur,i mbushni ” librat ” tuaja me shpifje.Përse po e gjykoni ate,kinse për të mposhtur krenarinë e tij përfundimisht,me aq arrogancë dhe vetëbesim,sikur të jeni ulur në këshillin hyjnor të Zotit dhe ai t’jua ket besuar fshehtësit e zemrës së tij ?
Hyni më në fund brenda vetes tuaj dhe siguroheni që të mos jetë vonë ! Provojeni një herë,nëse ka mundësi,të dyshoni për një çast në veten tuaj dhe do të shihni atë që tashmë shumë të tjerë e shohin.
Hidheni poshtë kët vetpëlqim,që po ju ha përbrenda ashtu si urrejtjen ndaj të tjerëve, dhe sidomos atë kundër personalitetit të Ali Ahmetit.
Mateni në tolerancë dhe do të shihni se padevotshmëria e tij është po aq e pavërtetë sa edhe turpi me të cilin doni ta mbuloni atë.
“Kush urren vëllanë e tij është vrasës”. Shkruan: Rauf Ramadani
