Pas lajmit të publikuar se forcimi i lekut po dekurajon shkuarjen e turistëve nga Kosova në Shqipëri, dhe se çmimet e paketave automatikisht janë 12% më të shtrenjta, ka reaguar kryetari i Shoqatës së Turizmit të Kosovës, Ruzhdi Kurtishaj. Ai ka thënë se çmimet janë të njëjta siç kanë qenë në vitin e kaluar.
Kurtishaj ka thënë se disa agjenci po duan ta ndalin rritjen enorme të numrit të pushuesve në Shqipëri, të cilët në të njëjtën kohë duan t’i japin përparësi turizmit në Turqi e Greqi.
“Ndoshta dikuj ju ka djeg Jorgani e po mendon qe u djeg e gjithë Bota, Jo more Joo, Shqipëria vazhdon te mbetet destinacioni turistik me i lire ne rajon dhe Evropë.
Çmimet pothuajse janë te njëjta me vitin e kaluar sidomos për muajet qe po flasim dhe aspak s’është e vërtet qe ka shtrenjtim te çmimeve ne hotel 27-32% .
Ky është një turp e faqja e zeze nga disa agjenci turistike qe duan ta përdhosin, ta ndalin e ta shantazhojne rritjen enorme te numrit te pushuesve nga Kosova ne Shqipëri e ne te njëjtën kohe duan ti japin përparësi turizmit ne Turqi Greqi e vende tjera ku ata kane interesa”, ka thënë kryetari i Shoqatës së Turizmit të Kosovës, Ruzhdi Kurtishaj.
