Kryeministri i Republikës së Kosovës, Albin Kurti, ka pritur sot në takim ministrin e Jashtëm të Greqisë, Nikos Dendias, raporton Gazeta Sinjali.
Përmes një njoftimi për media, Qeveria njofton se gjatë takimit është diskutuar për mundësitë e thellimit të marrëdhënieve ndërmjet Kosovës dhe Greqisë, teksa kryeministri Kurti ka ritheksuar perspektivën evropiane të Kosovës dhe aspiratat për integrimin e mëtutjeshëm në organizata ndërkombëtare.
“U bisedua për mundësitë e thellimit të marrëdhënieve ndërmjet Kosovës dhe Greqisë, ndërsa u theksuan raportet e shkëlqyeshme ekzistuese ndërmjet të dyja vendeve. Kryeministri Kurti ritheksoi perspektivën evropiane të vendit tonë, si dhe aspiratat e Republikës së Kosovës për integrimin e mëtutjeshëm në organizata ndërkombëtare”, thuhet në njoftim.
