Kryeministri Albin Kurti, ka mirëpritur sot Drejtorin e Përgjithshëm të Agjencisë Zhvillimore të Austrisë, Friedrich Stift.
Gjatë takimit, Kurti e ka falënderuar Stiftin për bashkëpunimin e ngushtë dhe të vazhdueshëm të ADA-së me institucionet e Republikës së Kosovës, veçanërisht në arsim dhe aftësimin profesional.
Sipas komunikatës për media ata diskutuan edhe për mundësitë për thellim të bashkërendimit në zhvillimin dhe zgjerimin e mëtejmë të arsimit dual që është në vitin e tretë të zbatimit tashmë në 12 profile, 25 shkolla nga gjithsej 15 komuna me 1607 nxënës.
