Kryeministri i vendit, Albin Kurti, në seancën që po mbahet në Kuvendin e Kosovës, ka folur për qeverisjen e tij, ku ndër të tjera ka folur për papunësinë, raporton Gazeta Papirus.
Kurti tha se papunësia ka rënë dhe sipas tij kjo shihet qartë, pasi siç tha ai punësimi është shtuar.
“Papunësia që dikur ndjehej si re e rëndë mbi familjes kosovare, sot ka rënë nga 25.8% në 10.7%. Sfidë që na ngelet është aktivizimi më i madh i grave. Megjithatë, është e qartë se, në Kosovë sot kemi papunësi të zvogëluar sepse kemi punësim të shtuar”, tha kryeministri para deputetëve.
