Kryeministri I Kosovës, Albin Kurti, sot ka pritur në takim presidentin e Sllovenisë, Barot Pahor.Kurti gjatë takimit përmendi ‘’arritjet e Qeverisë’’ sipas tij, duke nisur nga tema e vaksinave për pandeminë e deri te grupet kriminale.
Kurti në takimin e zhvilluar me Pahor, tha se policia gjatë këtij viti ka shkatërruar 41 kriminale, duke ia atribuar sukseset qeverisë që ai drejton.
‘’ Kryeministri foli për përkushtimin e qeverisë në luftën kundër krimit e korrupsionit. Lidhur me masat e ndërmarra, ai theksoi se gjatë këtij viti policia ka realizuar rreth 500 operacione e rreth 900 bastisje dhe ka shkatërruar 41 grupe kriminale. Nuk do të lejojmë asnjë individ apo grup të jetë më i fortë sesa shteti ligjor, thuhet në komunikatën e zyrës së kryeministrit.
Tutje Kurti, sipas komunikatës, e vlerësoi rolin e Sllovenisë në këtë proces si shumë të rëndësishëm dhe kërkoi mbështetjen e saj për të elaboruar rëndësinë e reflektimit të Serbisë për dëmet e shkaktuara, shkatërrimet dhe luftën, krimet e kryera në Kosovë.
