Ish-kryetari i Gjykatës së Apelit, Hasan Shala, ka hedhur kritika ndaj kryeministrit Albin Kurti, duke thënë se është duke ndërhyrë në sistemin e drejtësisë.
Duke përmendur rastin e fundit të ndodhur në Kosovë, rasin e Enver Sekiraqës, Shala ka thënë se nuk mund të përgjithësohet i gjithë sistemi për gabimet e individëve.
“Është ndërhyrje kur kryeministri e hapë mbledhjen e Qeverisë dhe thotë kë dështu sistemi i drejtësisë. Nuk ka dështu sistemi me Sekiraqën, ka dështu një gjyqtarë e një trup gjykues, dhe atë vendim e ka përmirësu gjykata e apelit. Këshilli gjyqësor ka marrë masa disiplinore ndaj gjyqtarit… Sistemi i drejtësisë ka vepru, sikur të mos vepronte apeli e këshilli gjyqësor atëherë është diçka tjetër. Sistemi i drejtësisë sonë në rajon është më i miri.” – ka thënë Shala.
Shala ka thënë se Kurti po tenton që ta kapë sistemin e drejtësisë.
“Me vetë faktin që thotë sistemi i drejtësisë ka dështu, ai e ka luftën me kapë sistemin e drejtësisë me i pru njerëzit e vet… Kemi ndërhyrje haptas të kësaj qeverie, kur kanë nxjerrë ligjin për zyrtarë publikë, për pagat, ligjit për këshillin prokuroria, kushtetuesja ka konstatu ndërhyrje në sistemin e drejtësisë.” – ka thënë ai.
