Kryeministri i Republikës së Kosovës, Albin Kurti, ka folur sërish para deputetëve të Kuvendit lidhur me propozimin evropian, raporton Gazeta Sinjali.
Kurti i është përgjigjur pyetjes së deputetes së Partisë Demokratike të Kosovës, Ariana Musliu Shoshi, se përse nuk e ka sjellë deri më tani propozimin evropian në Kuvend.
Ai tha se për shkak të konfidencialitetit nuk e ka sjellë atë në Kuvend, mirëpo sipas tij, kryetarët e partive opozitare e kanë pranuar atë.
Kryeministri Kurti tha se propozimi nuk është produkt i negociimit, ndërsa tha se ai erdhi tri javë pas takimit të 18 gushtit të vitit të kaluar.
E kam pranuar parimin të cilin e kanë kërkuar ndërmjetësit evropian. Përmbajtjen tekstuale e kam ndarë me kryetarët e partive opozitare por jo edhe ne Kuvend, ndonëse besoj që pas shumë muajve, pothuajse asgjë s’ka ngelur e panjohur nga ai propozim, që paraqet bazën e mirë për diskutime të mëtutjeshme qe fillojnë të hënën qe vjen. Nuk është produkt i negocimit propozimi, me që me 18 gusht te vitit te kaluar, është hapur tema e kornizës përgjithshme te marrëveshjes pa pasur takime, teme meqë pala tjetër nuk ka qenë e gatshme për të”, tha Kurti.
“Tri javë pas atij takimi vjen propozimi, nuk është qe ne kemi negociuar dhe ka ardhur propozimi. Nuk është që ne kemi negociu, e propozimi ka ardhur. Nuk është produkt i kërkesave të palëve. Nuk është që kam kërku diçka e është aty. Aleatet e Republikës së Kosovës e kanë dizajnu si një pako që do të avancojë anëtarësimin e Kosovës në sistemin ndërkombëtar, dhe i cili përmban njohjen de fakto, e gjithë kjo bazuar në kartën e Kombeve të Bashkuara”.
Ai insiston që marrëveshja përmban njohjen e ndërsjelltë de-facto.
“Marrëveshja përmban njohjen e ndërsjellët të formës de fakto. Për Kishën Ortodokse Serbe, siç e kam thënë propozimi për marrëveshje përmban një pikë mbi formalizimin e statusit të Kishës Ortodokse Serbe. Formalizimi nuk nënkupton negociim mbi statusin e saj, e as diskutim mbi të drejta të veçanta, por i referohet si një person juridik fetar, përkatësisht bashkësi fetar ne legjislacionin e Republikës së Kosovës. Formalizimit të statusit të Kishës Ortodokse përkatësisht është bërë përmes njohjes se saj si një nga bashkësitë fetare në Republikës e Kosovës në ligjin përkatës. Shteti jonë është demokraci liberale, bazuar në një dimension të qartë të të drejtave të njeriut. Një element të tillë e kam trashëguar. Mund t’ju garantoj asgjë e veçantë qe ka të bëjë me kishën nuk do të pranoja të përfshirjes në marrëveshje sikur kjo. E kam shpjeguar që ai nuk është produkt i negociimit, pra nuk është produkt”, tha Kurti.
