“Nuk ka logjikë as juridike as politike”.
Kështu ka thënë ish-gjyqtari në Gjykatën Kushtetuese, Kadri Kryeziu referuar propozimit të djeshëm të Kryeministrit të Kosovës, Albin Kurti, që ndërmjetësi i BE-së, Miroslav Lajçak, të dërgojë draft-Statutin e Asociacionit për vlerësim në Komisionin e Venecias.
“Institucionet e shtetit kanë të drejtë të dërgojnë kërkesë në Komision, por ky nuk merr vendim, jep vetëm rekomandime të tilla, ato kryesisht bëhen nga institucionet, por sipas mendimit tim, nuk ka ndonjë logjik as juridike e as politike. Qeveria e ka vetëm këtë detyrë, që këtë draft staut ta dërgoj në Kushtetuese dhe sa më herët aq më mirë”, ka deklaruar Kryeziu
