Kryeministri i Kosovës, Albin Kurti, ka thënë se përpara ka pasur investime kapitale sepse ka pasur hajni shumë e partitë opozitare kanë vjedhur fortë.
Ai u shpreh se përmes investimeve kapitel vidhet.
Kurti u shpreh se për t’u bërë investime kapitale pa vjedhur duhet të ketë përgatitje dhe planifikim shumë.
“Ne kemi hapur procedura për ndërtimin e rrugëve Kievë-Zahaq dhe Prishtinë Podujevë dhe Prishtinë-Mitrovicë. A e di çka kanë bërë këta të kaluarën, kanë filluar me shtru asfalt pa bërë shpronësimet”, u shpreh ai në RTK.
Shefi i qeverisë thotë se partitë opozitare kanë lënë dëme të madha që nuk është kollaj të riparohet.
“Nuk është dëmi kryesor që i kanë humbur zgjedhjet, ata kanë fituar që kanë humbur. Se shyqyr që s’qeverisin. Humbja e tyre është fitore e tyre, por fitorja jonë nuk bën të humbet me këto të këqija që nuk preokupohen kollaj”, ka deklaruar Kurti.
