Sonte kryeministri Albin Kurti ishte i ftuar në një intervistë në ‘Debat Plus’ ku ndër të tjera kishte mundësinë të iu përgjigjet edhe disa pyetjeve të qytetarëve.
Ishte një qytetar që i kërkoi Kurtit të distancohet nga personat e korruptuar dhe të mos ngrejë dolli me ta.
Kreu i shtetit tha se nëse qytetari e ka fjalën për dollin me kryetarin e AAK’së, Ramush Haradinaj, atëherë ka bërë shumë mirë që ka shkuar në shtëpinë e tij dhe e ka cakërruar gotën.
Tutje Kurti tha se ajo ishte për nder të Epopesë së Dukagjinit dhe se Haradinaj ishte pjesëmarrës në ballafaqim të ashpër me Serbinë
“Nuk e di për kë e ka fjalën, unë natyrisht nuk preferoj shoqërimin e lërë më bashkëpunimin me të korruptuarit. Unë nuk e di kush sa është I korruptuar e si e pse në çdo situatë në të cilën më duhet të. Nëse e ka fjalën për atë dollin me kryetarin e AAK’së, Ramush Haradinaj, ajo ishte në 25 vjetorin, pra ishte një situatë e jashtëzakonshme. Aty zoti Haradinaj i cili ishte pjesëmarrës në ballafaqim të ashpër me Serbinë, ai ishte i zoti i shtëpisë. Pra, unë kam mundur të mos shkojë, që mendoj që kish qenë gabim të mos shkojë . Nëse kam shkuar është gabim të mos cakërrojë gotë. Unë besoj që kam vepruar mirë, sepse Epopeja e Dukagjinit është lavdi jo vetëm e familjes Haradinaj, por e gjithë kombit shqiptar“, u shpreh Kurti.
