Kryeministri i Kosovës, Albin Kurti ka kërkuar nga Bashkimi Evropian që të pranojë aplikimin e Kosovës si vend kandidat këtë vit.
Këto deklarata ai i bëri teksa po flet në Këshillin e Atlantikut, ku po i diskuton prioritetet e politikës së jashtme dhe brendshme të Kosovës.
“Do ta mirëprisnim aplikimin e Ukrainës, Moldavisë dhe Gjeorgjisë në Bashkimin Evropian dhe po ashtu kërkojmë që BE-ja të pranojë aplikimin tonë këtë vit”, tha Kurti.
Tutje, ai përmendi aplikimin në Këshillin e Evropës dhe shtoi se pret liberalizimin e vizave – proces të cilin e quajti të tejzgjatur. /Gazeta Papirus/
