Kryeministri i Kosovës, Albin Kurti në mbledhjen e Qeverisë foli për ngjarjen e 24 shtatorit, ku grupi terrorist kreu agresion në Banjskë të Zveçanit.
Ai tha se lirimi i Milan Radoiçiqit në më pak se 24 orë pas arrestimit është dëshmi për rigrupim dhe hakmarrje, raporton Paparaci.
Tutje Kurti theksoi se ato grupe kriminale kanë përkrahje nga Serbia.
“18 ditë pas sulmit kriminal të 24 shtatorit, shumëçka është ndryshe prej asaj të diele, gjithçka do të ishte ndryshe nëse planet e gurpit terrorist nuk do të neutralizoheshin që ditën e parë. Ata dështuan dhe kjo i ka bërë shumë të dëshpëruar. Dokumentimi para syve të botës i përfshrirjes së të paktën katër shtresave së popullit serb, përkatësisht presidencës, shërbimit të inteligjencës, ministrisë së mbrojtjes dhe ushtrisë serbe në frymëzimin, përgatitjen dhe pjesëmarrjen në sulmin terrorist në fshatin Banjskë janë motiv shtesë për skenar destabilizues. Lirimi i Radoiçiqit në më pak se 24 orë pas arrestimit është dëshmi dhe sinjal i potencialit për rigrupim dhe hakmarrje sepse më 24 shtator Beogradi zyrtar e militar dështoi. Institucionet tona të sigurisë dhe inteligjencës së fundi kanë hetuar rrezikun në rritje të inskenimit të sulmeve të dhunshme të strukturave kriminale të Serbisë në Kosovë, qëlimi i tyre është fajësimi i Policisë së Kosovës dhe paraqitja e tyre si forcë shtypëse mbi serbët e Kosovës. Mbështetja që ata kanë marrë nga Serbia, vetëm sa i ka inkurajuar. Keqpërdorën Manastirin e Banjskës që ti japin ngjyrim fetar”, tha Kurti.
