Ministri i Mbrojtjes, Armend Mehaj është takuar me komandantin e KFOR-it në Kosovë, gjeneralmajor Frenc Kajar, të cilit i ka kërkuar prezencë më të madhe të trupave të KFOR-it në veri.
Por, vetëm 2 vite më parë, shefi i tij, kryeministri Albin Kurti e kishte akuzuar ish-presidentin e Kosovës, Hashim Thaçin se kishte nënshkruar “një marrëveshje të fshehtë me NATO-n”.
Mehaj nëpërmjet një postimi në llogarinë e vet në “Facebook”, ka bërë me dije se gjeneral Kajar është pajtuar që të rritet koordinimi mes institucioneve të sigurisë së vendit dhe KFOR-it si dhe të shtohen kapacitetet dhe vigjilenca në kufirin e Kosovës.
-Marrëveshja për të cilën ishte debatuar gjatë në opinionin publik përpara se Kurti “ta zbulonte” atë, kishte të bëjë me mosdërgimin e Forcave të Sigurisë së Kosovës në veri të Kosovës pa koordinim paraprak me NATO-n.
Në një konferencë për media, kryeministri Kurti kishte thënë se nuk beson që këtë zotim Thaçit ia kishte kërkuar Brukseli, por thoshte “mund ta ketë kërkuar Serbia”
Por, vetëm 2 vite më parë, shefi i tij i tanishëm, kryeministri Albin Kurti e kishte akuzuar ish-presidentin dhe ish-kryeministrin e Kosovës, Hashim Thaçin për një marrëveshje të fshehtë me NATO-n.
“Lidhur me Forcën e Sigurisë së Kosovës, e cila pa dakordim paraprak nuk do të shkojë në Kosovën Veriore jo në veriun e Kosovës, pa dakordim paraprak me KFOR-in. Për neve është e rëndësishme të marrim vesh se kush e ka kërkuar një gjë të tillë, ne nuk besojmë se Brukseli e ka kërkuar një zotim të tillë të ish-kryeministrit, mund ta ketë kërkuar Serbia”, kishte thënë Kurti në atë konferencë për media
