Kryetari i Partisë Demokratike të Kosovës, Memli Krasniqi, sonte ka shtruar një iftar për kreun e Bashkësisë Islame të Kosovës, Naim Tërnava dhe bashkëpunëtorët e tij.
Krasniqi, nëpërmjet një njoftimi në Facebook, ka thënë se ky iftar u shtrua në shenjë respekti dhe bashkëpunimi me përfaqësuesit e BIK-ut.
Në shenjë respekti dhe bashkëpunimi, sot prita në iftar Myftiun Naim Tërrnava me bashkëpunëtorët e tij nga Bashkësia Islame e Kosovës. Muaji i shenjtë i Ramazanit, në traditën tonë në Kosovë, ka shërbyer edhe si përafrim e bashkim mes njerëzve, duke u manifestuar me virtyte të larta shoqërore, si solidariteti, mirëkuptimi e humanizmi”, ka shkruar Krasniqi.
Krasniqi ka uruar që besimi dhe adhurimi i Zotit, posaçërisht gjatë këtij muaji, të jenë frymëzim për të gjithë.
“…që veprat e mira për familjen, shoqërinë e shtetin, të kultivohen e shtohen edhe më shumë. Agjërim të lehtë e të pranuar, të gjithë besimtarëve!”, ka shkruar ai.
