Kryeministri në detyrë, Albin Kurti ka refuzuar për të katërtën herë të dëshmojë në Zyrën e Prokurorit Special, i ftuar si dëshmitar për një rast të dyshuar korrupsioni me rezervat shtetërore.
E këto veprime të përsëritshme të shefit të qeverisë në detyrë, Zyra e Kryeministrit i ka arsyetuar përmes një postimi në Facebook.
Ata ankohen se po përballen me një orvatje të hapur, siç thonë, “për të manipuluar dhe hutuar opinionin publik”.
“Gjatë kësaj kohe jemi përballur me një valë dezinformatash dhe përpjekjesh për të sajuar një perceptim të rremë mbi këtë proces. Prandaj, është e rëndësishme të sqarojmë faktet dhe të mbrojmë parimet e një shoqërie të drejtë e demokratike”.
“Mos reagimi ynë i deritanishëm, nuk ka qenë mungesë vëmendjeje, por respekt për procesin ligjor që duhet të zhvillohet pa ndërhyrje të jashtme. Sidoqoftë, është bërë e qartë se po përballemi me një orvatje të hapur për të manipuluar dhe hutuar opinionin publik”, thuhet në arsyetim.
Kurti refuzoi të paraqitjen në Prokurori, por Zyra e Kryeministrit thotë si s’ka refuzuar asnjëherë të dëshmoi, përkundrazi, sipas tyre, ka ofruar bashkëpunim të plotë për të ndihmuar drejtësinë.
Kokëfortësia e kryeministrit të detyrë, ka zgjuar edhe reagime të ndryshme vendore e ndërkomëtare, pasi shumë media nëpër botë pasqyruarn lajme se si Albin Kurti po shpërfill ftesen e Prokurorisë.
Më poshtë e gjeni reagimin e plotë të Qeverisë:
