Kryeministri i vendit Albin Kurtid dy javë më parë ka pritur në kryeministri një grup enveristësh nga Shqipëria.
Përfaqësues të Komitetit Kombëtarë të Organizatës së Veterenëve dhe Pasardhësve të LANC, Veli Myftari, Elidjana Canaj dhe Ksenofon Krisafi.
Ata i dorëzuan kryeministrit Albin Kurti, një dhuratë,“Distinktivin e 65 vjetorit të Organizatës së Veteranëve dhe Pasardhësve të LANÇ”, ku në njoftimin e tyre thanë se kryeministri shprehu falënderim e mirënjohje.
Në njoftimin e tyre thanë se kryeministri Albin Kurti mbështeti idenë për bashkëpunim pas zhvillimeve të fundit në agresionin e Rusisë në Ukrainë.
Sipas tyre me Kurtin diskutuan që qëndrimet e tyre si organizatë të jenë në përputhje me ndryshimet e kohës pasi Rrusia e sotme nuk është BRSS-ja që që e luftonte “antifashizmin”.
“Mbas falënderimeve të ndërsjella edhe z. Albin Kurti mbështeti nevojën e bashkëpunimit të organizatave tona sepse ne kemi Histori te përbashkët, kemi të sotme të përbashkët dhe të ardhme të përbashkët! Jemi nje Komb! Situatat në botë ndryshojnë! Qendrimet tona gjithashtu do t’u pergjigjen ndryshimeve! Dje Bashkimi Sovjetik ishte shembulli i shpresës, i besimit dhe vlerësohej për qëndrimet Antifashiste e antinaziste! Ishte në krye të luftërave për Liri, ishte pjesë e rëndësishme e koalicionit antifashist botëror! Por sot Rusia është pozicionuar agresive e pushtuese ndaj Popullit të Ukrainës! Qëndrimi i saj sot nuk është Ai i ish BRSS! “, thuhet në njoftim.
Përvec kurtit ky grup i enveristëve në Kosovë janë takuar edhe me Xhavit Jashari, kryetarin e Organizatës së familjeve të dëshmorëve të UÇK, Fadil Shurdha, kryetarin e shoqatës së invalidëve të Luftës së UÇK, dhe me Faton Klinakun , kryetarin në detyrë të Organizataës së Veteranëve të UÇK, me ish luftëtarin e UÇK – Ismet Sylejmani.
Me organizatat e dala nga lufta njoftuan se u dakorduan që me 20 korrik 2022 te festojmë së bashku ditën e Veteranit dhe 65 vjetorin e krijimit te Organizatës së Veteranëve dhe Pasardhësve të LANÇ të Popullit Shqiptar së bashku në Tiranë!”
Madje në revistën që e botojnë “Kushtrim Brezash” vizitën me kryeministrin Albin Kurti e cilësuan shumë të suksesshme.
