Kryeparlamentari Glauk Konjufca, ka shkaktuar edhe një herë të qeshura në seancën që po mbahet në Kuvendin e Kosovës.
Derisa njëri deputet i ka kërkuar fjalën, Konjufca i ka thënë se nuk mund t’ja ofrojë këtë mundësi pasi që pritet të ndërpritet energjia elektrike, transmeton lajmi.net.
“Ta kisha jep fjalën po tash na ndalet rryma, e pasi ka me u nal rryma deri të dilet në sistemin me gjenerator, ju kërkoj pauzë pesë minuta”, ka thënë Konjufca.
Kujtojmë se energjia elektrike ka shkaktuar mjaft debate kohëve të fundit në vend, pasi që pritet të ketë rritje të çmimeve për shkak të importit të madh të energjisë elektrike që bëhet në Kosovë. /Lajmi.net
