Rastet kur personave në Kosovë iu konfiskohen armë pa leje konfirmohen pothuajse çdo ditë nga Policia e Kosovës.
Një rast i tillë ka ndodhur dje rreth orës 08:00 të mëngjesit në fshatin Ballancë të Vitisë, shkruan Gazeta Papirus.
Bëhet e ditur se Krimet Ekonomike përmes një aksioni, kanë bastisur shtëpinë e një të dyshuari, me ç’rast i janë gjetur dhe konfiskuar një numër fishekë dhe armë.
Zyrtarët policor gjatë bastisjes kanë gjetur mbi 50 fishekë, granata dore, armë të cilat janë konfiskuar më pas.
Me t’i bastisur shtëpinë, Policia ka arrestuar të dyshuarin, i njëjti është dërguar në stacionin policor për intervistim.
Me urdhër të Prokurorit, ndaj tij është iniciuar rast “Mbajtje në pronësi, kontroll ose posedim të paautorizuar të armëve”.
Theksojmë se, Kodi Penal i Republikës së Kosovës dënon me gjobë deri në 7.500 euro dhe me burg deri në 5 vjet, këdo që ngarkohet me një vepër penale të tillë.
/GazetaPapirus/
