Vizitat e krerëve të shtetit jashtë vendin në kohë kur veriu po përballet me gjendje jo stabile të sigurisë, po i konsideron të panevojshme analisti politik, Agron Hoti.
Sipas tij, gjendja në veriun e Kosovës është shumë në tensione dhe prezenca e udhëheqësve në vend do të ndihmonte tejkalimin e krizës.
Hoti theksoi se marr parasysh ofensivat e Serbisë në veri, prezenca e udhëheqësve është më e rëndësishme në Kosovë se sa udhëtimi i tyre jashtë saj.
“Sigurisht gjendja në veri është kogja e mjerë dhe kogja në tensione, udhëtimet jashtë nuk i shërbejnë zgjidhjes së problemit në Kosovë, prandaj sa më shumë prezencë e politikanëve në Kosovë në këto ditë të vështira aq më mirë për tejkalimin e kësaj krize”.
“…nëse do të mund ta tejkalonim, sepse po e shohim ofensivën e Serbisë për dezintegrimin e veriut, do të thotë me largimin e të gjithë serbëve nga institucionet e Kosovës që kanë qenë dhe kjo sigurisht që nuk i bënë mirë vizitat jashtë të cilat nuk janë edhe aq të rëndësishme krahasuar me vështirësitë me të cilat po përballet vendi”, tha ai.
Përderisa të mërkurën kryeministri i Republikës së Kosovës, Albin Kurti, ka udhëtuar për në Vjenë të Austrisë.
Atje ka marr pjesë pjesë në Samitin e Liderëve të Socialistëve dhe Demokratëve të Ballkanit Perëndimor, me temën “Zgjerimi i Ballkanit Perëndimor TANI! Për një shoqëri sociale, demokratike, paqësore”.
