Ambasadorët e QUINT-it dhe shefi i zyrës së BE-së në Kosovë, Tomas Szunyog kanë takuar presidenten Osmani, kryeministrin Kurti dhe kryetarin e Kuvendit, Glauk Konjufca.
Zyra për media e Presidencës përmes një komunikate njofton se në takim është diskutuar për procesin e vettingut raporton Gazeta Express.
Presidentja e Republikës së Kosovës Vjosa Osmani -Sadriu, kryetari i Kuvendit Glauk Konjufca dhe kryeministri Albin Kurti kanë pritur në takim ambasadorët e vendeve të QUINT-it dhe shefin e Zyrës së BE-së në Kosovë për të diskutuar rreth procesit të vetingut dhe rëndësinë për forcimin e sundimit të ligjit. Në takim është diskutuar bashkërendimi i institucioneve të Republikës së Kosovës me shtetet e QUINT-it dhe BE-së rreth procesit të vetingut në Kosovë. Liderët instititucionalë përcollën mesazhe mbi rëndësinë e patjetërsueshme dhe jetike për ndërtim të një sistemi të qëndrueshëm dhe afatgjatë të vetingut, për të garantuar sistem të drejtësisë me integritet të lartë, profesionalizëm dhe efikasistet, i cili i përgjigjet nevojave të qytetarëve për drejtësi”, thuhet në komunikatë.
Tutje thuhet se krerët insitucionalë të Kosoës kanë përsëritur se janë të përkushtuar që procesi i Vettingut të zbatohet duke i respektuar standardet më të larta evropiane.
“Gjithashtu, ata përsëritën përkushtimin e institucioneve të Kosovës që ky proces të ndërtohet dhe zbatohet duke i respektuar standardet më të larta evropiane, të cilat garantojnë pavarësinë, efikasitetin dhe efektivitetin e institucioneve të drejtësisë, dhe për të cilat Kosova ka kërkuar opinion nga Komisioni i Venecias”, thuhet tutje.
