Lideri i Partisë Demokratike të Kosovës, Memli Krasniqi, tha se lufta e UÇK-s për çlirimin e vendit është luftë dinjitoze, përcjell Gazeta Papirus.
Ai njoftoi se ka udhëtuar për në Hagë bashkë më Uran Ismailin dhe Abelard Tahirin, për ta ndjekuar nga afër procesin e gjykimit ndaj ish-krerëve të UÇK-s.
Krasniqi tha se beson në drejtësi dhe në të vërtetën e lavdishme të çlirimtarëve të Kosovës, prandaj ish-krerët e UÇK-s do të dalin fitimtarë nga ky gjykim.
Postimi i plotë i tij:
“Krenar për dinjitetin kombëtar që manifeston UÇK-ja, bashkë me Uranin e Abelardin, jam sot në Hagë për të ndjekur nga afër fillimin e procesit gjyqësor ndaj çlirimtarëve tanë.
Duke besuar në drejtësi, jemi thellësisht të bindur se edhe në këtë betejë të fundit për të vërtetën e epokës së lavdishme të lirisë sonë, ata do të dalin fitimtarë. “/Gazeta Papirus/
