Në rast se Albin Kurti, në mungesë të numrave dështon ta krijojë Qeverinë e re të Kosovës, një mundësi tjetër po konsiderohet se e ka opozita e bashkuar për të krijuar institucionet.
Partia e dytë, sipas rezultateve zgjedhore, është Partia Demokratike e Kosovës, mbi të cilën bie barra për të bindur partitë tjera t’ia bëjnë numrat përcjell Gazeta Papirus.
I pari i kësaj partie Memli Krasniqi në Rubikon të Klan Kosovës, tha se opsioni i vetëm në këtë situatë do të ishte Bedri Hamza kryeministër
”Qëndrimi është Bedri Hamza kryeministër, nuk ka opsion tjetër. Qytetarët i kanë pasur dy opsione Albin Kurtin ose Bedri Hamzën, të tjerët kanë qenë aty por me fal, ka rend këtu. [Lumir Abdixhiku] Le të rri në opozitë, nuk është fundi i botës. Në opozitë nuk rrin hiç se shkon në zgjedhje të reja dhe nëse duhet me shku në zgjedhje të reja edhe një herë, se po harrojmë që zgjedhjet e vjeshtës që i kemi dy raunde në zgjedhje lokale, e prej ku jemi – vitin e ardhshëm zgjedhjet nacionale janë të pa shmangshme”.
”E nëse dojmë me i mbajt edhe një parë zgjedhje i shpallim zgjedhjet sport kombëtarë, s`kemi hobi nacional tjetër, po mbajmë zgjedhje tri herë në vjet”, tha Krasniqi.
