Albert Krasniqi nga Demokracia Plus ka thënë se LDK dhe PDK kanë treguar epërsi ndaj VV’së në hapjen e fushatës zgjedhore.
Sipas tij diferencat ishin të dukshme në masivitetin e pjesëmarrjes, organizimin e ngjarjeve, fjalimet konkrete, gjuhën përbashkuese dhe premtimet konkrete të menduara me kujdes.
“Partitë opozitare, PDK dhe LDK, kanë treguar epërsi ndaj partisë në pushtet, VV, në hapjen e fushatës zgjedhore. Diferencat ishin të dukshme në masivitetin e pjesëmarrjes, organizimin e ngjarjeve, fjalimet konkrete, gjuhën përbashkuese dhe premtimet konkrete të menduara me kujdes.”
Ai ka shtuar se është gabim të cilësohet reformimi i partive opozitare si sukses i VV’së.
“Është gabim të cilësohet ky reformim i partive opozitare si një sukses i VV-së. Ky ndryshim reflekton kërkesat e qytetarëve, të cilat këto parti i kanë kuptuar dhe i kanë pranuar si të tilla pas rezultatit të zgjedhjeve të fundit parlamentare. Partitë që synojnë rritje duhet të jenë në gjendje të ndryshojnë, të përmirësohen dhe t’u përshtaten kërkesave të kohës.”
