800 dollarë i humbi në skemën mashtruese “Pulse Glide”, e maskuar nën petkun e një kompanie që kinse lëshon trotineta me qira në Kinë e Amerikë.
Një i ri nga Fushë Kosova që për Kiks Kosova ka dhënë intervistë ekskluzive, ishte njëri nga mijëra anëtarët që investuan në këtë skemë piramidale. PGL, i cili u shpërnda në treg si aplikacion telefonik, arriti të mashtrojë shqiptarët pasi ata investuan mijëra dollarë aty. Më 12 maj, aplikacioni u mbyll. Paratë humbën!
Ishte muaji tetor i vitit 2024, kur qytetari i cili rrëfeu për Kiks Kosova në kushte anonimiteti, filloi të investojë.
Shuma fillestare ishte 1 mijë dollar. Që nga ai muaj, ky vazhdoi të marrë nga 1 mijë të tjera në muaj.
Nuk përfundoi me kaq. Joshja që po bënte ky aplikacion telefoni përmes ofertave të tyre ishte i paparashikueshëm.
Tashmë, qytetari kishte parë një ofertë në të cilën do të fitonte shumë më shumë dhe ishte fare e thjeshtë – nëse ky person do të anëtarësonte njerëz të tjerë, ai do të fitonte mijëra dollarë tjerë.
Për 7 muaj, personazhi i Kiks Kosova arriti të anëtarësojë 79 persona, rrjedhimisht mori rreth 11 mijë dollarë bonuse, plus 7 mijë të tjera, nga mbledhja e 1 mijë dollarëve për çdo muaj, e që në total i binte se kishte fituar diku rreth 18 mijë dollarë.
Detajet e këtij rasti i gjeni në kronikën në vijim:
