Televizionet kosovare jo rrallëherë çudisin me të ftuarit në emisonet e tyre televizive. Në një garë të egër për shikueshmëri në rrjetet sociale, televizonet nganjëherë ngatërrojnë qëllimin e tyre, duke degraduar në misionin e tyre për informim të drejtë të qytetarëve (që në këtë rast janë edhe klientë).
Së fundmi, RTV Dukagjini ka filluar një emision me emrin “Komplot”. Përtej emrit të emisionit, befasuese është i ftuari në emision. Në këtë emision, që drejtohet nga ana e moderatores Krenare Vokshi, ka disa herë që merr pjesë edhe Arianit Sllamniku, një konspiracionist pak i njohur në Kosovë.
Përveç Sllamnikut, në këtë emision merr pjesë edhe teologu Mustafë Bajrami, një pjesëmarrje pak e çuditshme, duke pasur parasysh figurën e hoxhës. Në këtë emision, janë trajtuar tema të ndryshme, përfshirë vdekjen e “mistershme” të ish-presidentit Ibrahim Rugova.
Në këtë emision, që ka gati 30 mijë shikime në Youtube, Sllamniku bën disa pretendime të çuditshme rreth babait të Rugovës.
“Nuk është thënë kurrë dhe asnjëherë se babai i tij e la nënën e presidentit Rugova shtatëzënë dhe pretendohet se iku në Maribor i martuar me një grua tjetër” – ishte teza e konspiracionistit Sllamniku, një qëndrim i çuditshëm e i pafaktuar, pasi babai i Rugovës ishte vrarë nga serbët menjëherë pas luftës së dytë botërore.
Gjatë një emisionit, Sllamniku e çuditi hoxhë Bajramin, duke e cilësuar atë si pjesëtar të Iluminatit pasi numri i telefonit të teologut fillon me numrat 666, një numër që konspiracionistët e lidhin me masonët! Në një emision tjetër, Sllamniku flet për masonët kosovarë, duke pretenduar se Veton Surroi është mason.
“Mund të pretendojmë se janë shembull konkret mundet me qenë Veton Surroi” – theksoi ndër të tjera Sllamniku.
Në një emision tjetër, Sllamniku foli për “teorinë” e tij mbi tokën e sheshtë, një pretendim krejtësisht joshkencor.
“Në shtresën e intelektualëve, kanë arritur në atë kohë që të shtyjnë idenë të një toke glob, jot ë rrafshtë që sillet rreth diellit dhe boshtit të vetë në 33 shkallë, 666 mijë kilometra” – pretendoi ai.
Një gjë edhe më problematike, është mënyra se si, së paku një herë, RTV Dukagjini iu referuar Sllamnikut, njeriu që beson në tokën e sheshtë. Ky television i njohur kosovar, e quajti Sllamnikun si studiues, duke i dhënë një legjitimitet shkencor pretendimeve absurde të Sllamnikut.
Sllamniku bëri edhe një ndërlidhje të çuditshme Sllamniku e bëri edhe në lidhje me sulmin ndaj Valon Sylës, gazetar dhe analist i njohur. Ai shkroi në mënyrë të përçudshme, duke theksuar se “jezuitët e stanistit Jakob Frank Brenda Vatikanit dëshirojnë gjak të derdhur shqiptari në muajin Ramazan!”.
“Në anën tjetër në vend që të del me prononcim kisha Katolike duke u distancuar nga rastet të fjalë apo të del në ngjarje kryetari i asociacionit të gazetarëve Xhamajl Rexha, del Menduhi i përkatësisë katolike i shqetësuar për dajakun e shkepur mbi kreshtën e Loni Boy.” – shkroi ai.
