Në seancën e sotme plenare, kryetari i Kuvendit të Kosovës, Glauk Konjufca, pasi e nisi seancën, u uroi deputetëve të LDK-së 33-vjetorin e themelimit të partisë.
“Ju urojmë ditëlindjen tuaj, jetë të gjatë e të lumtur politike”, i tha ai nga foltorja e Kuvendit.
Kryetari i Lidhjes Demokratike të Kosovës (LDK), Lumir Abdixhiku në 33 vjetorin e themelimit të kësaj partie ka bërë homazhe te varri i ish-presidentit të Kosovës, Ibrahim Rugova.
Abdixhiku para mediave ka thënë se këtë ditë së bashku me anëtarët e LDK-së e kanë nisur duke nderuar presidentin historik, prijësin e shqiptarëve në periudhën më të vështirë të popullit të Kosovës.
