Kryetari i Kuvendit, Glauk Konjufca ka thënë se me marrëveshjen e dakorduar në Bruksel por edhe në aneksin e marrëveshjes në Ohër nuk parashihet Asociacion pasi kanë marrë garanci të forta se kjo nuk do të bëhet, por që sipas tij do të jetë një lloj forumi i serbëve të Kosovës.
Ai ka thënë se nëse veç vije te presioni për një pushtet të tretë atëherë menjëherë duhet të shkohet në zgjedhje pasi më nuk ka kuptim as Qeveria e as Kuvendi pasi shkelet kushtetuta dhe shteti rrezikohet.
“Ne i kemi ato që jemi të bindur fuqishëm të pozicionuar edhe opozita edhe të gjithë që nuk bënë kurrfarë pozicionimi në Kosovë që ka kompetenca ekzekutive, nuk bënë me u shkel edhe me u bë si qorap Kushtetuta e Republikës së Kosovës garancitë janë të forta që do të jetë një lloj diçka si forum i trajtimit të interesave të serbëve. Unë nuk mendoj që një Asociacion qysh është vetëm vendi i takimit të të serbëve të Kosovës është i rrezikshëm , ata edhe sot mund ta bëjnë është e garantume me Kushtetutë të Republikës së Kosovës, mirëpo një etnitet që është monoetnik i cili është bartës i pushtetit publik edhe për të cilin Kosova kërkohet me ndryshu Kushtetutën mendoj që atëherë është vija e kuqe atëherë duhet të ngulim këmbë, atëherë nuk ka lidhje as nëse folim Qeveria e Kosovës nuk ka më kuptim as Parlamenti i Kosovës atëherë menjëherë vendi duhet me shku në zgjedhje për mendimin tim.
Konjufca tha se nëse do të ketë pozicionim të fuqishëm të të gjithë spektrit politik atëherë një pushtet i tretë me kompetenca ekzekutive nuk do të bëhet në Kosovë.
