Kryetari i kuvendit, Glauk Konjufca, në 24-vjetorin e masakrës së Studimes së Vushtrrisë, tha qëllimi i Serbisë ishte shfarosja e popullit shqiptar.
Për masakrën e Studimes, Konjufca tha se ishte ndër më të mëdhatë, teksa shtoi se Serbia po vazhdon që ta mbajë të fshehtë fatin e të pagjeturve, ku tha se “krimineli që nuk pendohet, është i gatshëm ta përsëris krimin”.
“Ishte qëllimi me na zhdukë e me na shfarosë, vetëm pse jemi shqiptarë. Me na çrrënjosë nga toka kur Serbia të gjitha këto krime i ka organizuar dhe plagët tona ende janë të hapura, sepse dhimbja për vrasjen e më të dashurve tanë, nuk kalon kurrë”.
Mijëra të afërm nuk i dimë ku janë, por secili prej nesh e dimë se ata janë në Serbi, dhe Serbia jo vetëm që nuk tregon por po i fsheh. Krimineli që nuk pendohet, ai është i gatshëm ta përsëris atë”, tha Konjufca, shkruan EO, përcjell Gazeta Papirus.
